ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 14/05/2018
ᓯᑎᒃᑯᑦ ᓇᓗᓇᐃᖅᓯᕗᑦ ᖃᖓᑕᓲᒃᑯᕕᒻᒨᕆᐊᖅ ᓴᓇᔭᐅᒋᐊᕐᓂᐊᕐᓂᖓᓂ
ᒪᐃ14, 2018 (ᐃᖃᓗᐃᑦ, ᓄᓇᕗᑦ) – ᐃᖃᓗᐃᑦ ᒪᐃᔭᖓ ᒫᑕᓖ ᕋᑉᑦ ᑲᑎᒪᔨᖏᓪᓗ ᖁᕕᐊᑉᐳᑦ ᓇᓗᓇᐃᖅᓯᒍᓐᓇᕐᓂᖏᓐᓂ ᖃᖓᑕᓲᒃᑯᕕᒻᒨᕆᐊᖅ ᓴᓇᒋᐊᖅᑕᐅᓛᕐᖓᑦ ᐊᑐᕆᐊᖅ ᐱᒋᐊᕐᓗᒍ ᒪᐃ 21, 2018.
“ᖁᐊᖅᑕᖅᑐᓕᖅᑕᐅᓛᕐᖓᑦ ᖃᖓᑕᓲᒃᑯᕕᒻᒨᕆᐊᖅ ᐱᐅᓯᒋᐊᖅᑕᐅᓗᓂ, ᐊᕐᕌᒍᑕᒫᓪᓗ ᑮᓇᐅᔭᐃᑦ ᐊᑐᓐᖏᓂᖅᓴᐅᓂᐊᓕᖅᑐᑎᒃ ᓴᓇᔭᐅᒐᓱᖃᑦᑕᕐᓂᖓᓐᓄᑦ, ᐃᑲᔪᕐᓂᖃᕐᓂᐊᖅᑐᖅ ᑕᑯᒥᓇᒃᑲᓐᓂᓕᕐᓗᓂ ᓯᑎᒃᑯᑦ, ᐱᓗᐊᖅᑐᒥᑦ ᓂᐅᕐᕈᔪᓄᑦ ᖃᖓᑕᓲᒃᑯᕕᒻᒦᖔᖅᑐᓄᑦ,” ᐅᖃᖅᑐᓂ ᒪᐃᔭ ᕋᑦᐳᓐ.
ᖁᐊᑦᑕᖅᑐᑐᖃᖅ ᐲᔭᖅᑕᐅᓛᕐᖓᑦ ᖃᖅᑲᒥᐅᑦ ᐊᑐᕆᐊᖓᓐᓂ ᑎᑭᓪᓗᒍ ᐃᑲᓗᒃᑑᑦᑎᐊᖅ ᐊᑐᕆᐊᖓᓄᑦ. ᖁᐊᖅᑕᖅᑐᓕᖅᑕᐅᒍᒫᖅᑐᖅ ᐊᐃᑉᐸᖓᑕ ᐱᓇᓱᐊᕈᓯᖓᓐᓂ ᔪᓚᐃᒥ, 2018 ᑲᔪᓯᓂᐊᖅᑐᓂᓗ ᐊᐅᔭᒃᑯᑦ.
ᑲᒪᒋᔭᐅᖃᑦᑕᕐᓂᐊᖅᑐᑦ ᐃᖏᕐᕋᔪᑦ ᑕᒪᐅᓇ ᓴᓇᔭᐅᓂᖓᓂ, ᐊᑕᐅᓯᕐᒥᖅᑲᐃ ᐊᖅᑯᑎᖃᕐᓗᑎᑦ.
ᖁᓪᓕᒃᑯᑦ ᓴᓇᔪᒫᕐᖓᑕ ᑳᓐᑐᓛᑦᑕᐅᓪᓗᑎᑦ $2,544,866−ᓂᑦ ᐊᑭᑦᑐᕋᐅᑎᓂᑦ ᓴᖅᑭᖅᑐᖃᓚᐅᖅᑎᓪᓗᒍ. ᑮᓇᐅᔭᐃᑦ ᐱᓕᕆᐊᓄᑦ ᐊᑐᐃᓐᓇᐅᑎᑕᐅᔪᑦ ᑲᓇᑕᒥ ᒑᓯᓄᑦ ᑖᒃᓰᔭᕈᑎᓄᑦ ᑮᓇᐅᔭᓂᑦ, ᑐᓂᓯᓪᓗᑎᑦ ᓯᑎᒃᑯᓪᓗ ᓴᓇᔭᐅᒋᐊᕐᓂᐊᕐᓂᖓᓐᓄᑦ ᐊᑐᕆᐊᖅ. ᓄᓇᕗᑦ ᒐᕙᒪᒃᑯᑦ ᐱᓕᕆᖃᑎᖃᖅᓯᒪᔪᑦ ᓯᑎᒃᑯᓐᓂ, ᐊᒻᒪᓗ ᓴᓇᒪᓂᖓᓂ ᐋᖅᑭᔅᓱᐃᓪᓗᑎᑦ ᐱᓕᕆᐊᒧᑦ.
Notice: