ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓱᓪᓗᓕᒃᑯᑦ ᐃᒥᖃᖅᑎᑕᐅᕙᑦᑐᑦ − ᑯᕕᑎᑦᑎᔭᕆᐊᖃᕐᓂᖅ
ᒐᕙᒪᒃᑯᑦ ᓄᓇᕗᒻᒥ ᐋᓐᓂᐊᔪᓕᕆᔨᒃᑯᖏᑦ ᓄᓇᓕᕐᒥᐅᑕᓂᑦ ᓱᓪᓗᓕᒃᑯᑦ ᐃᒥᖃᖅᑎᑕᐅᕙᑦᑐᓂᑦ ᓴᓗᒻᒪᕐᓴᐃᖁᔭᐅᓕᖅᑐᑦ ᐊᒻᒪ ᑯᕕᑎᑦᑎᕙᓪᓗᑎᒃ ᐊᖏᕐᕋᖏᓐᓂ ᐃᒥᓕᕆᔾᔪᑎᖏᓐᓂᑦ.
ᑕᒪᓐᓇ ᐊᑐᖅᑕᐅᖁᔭᐅᔪᖅ ᓄᓇᓕᕐᒥᐅᑕᓄᑦ ᐊᒻᒪ ᓇᖕᒥᓂᖃᖅᑎᐅᔪᓄᑦ ᓱᓪᓗᓕᒃᑯᑦ ᐃᒥᖃᖅᑎᑕᐅᕙᑦᑐᓄᑦ. ᑕᒪᒃᑯᐊ ᓄᓇᓕᕐᒥᐅᑕᐃᑦ ᓇᓗᓇᐃᕐᓯᒪᖁᔭᐅᓂᐊᖅᑐᑦ ᑯᕕᑎᑦᑎᖁᔭᐅᓗᑎᒃ ᐊᖏᕐᕋᖏᓐᓂ ᐃᒥᓕᕆᔾᔪᑎᖏᓐᓂᑦ ᐊᑯᓐᓂᖏᓐᓂ ᐅᓪᓗᐃᑦ ᐋᑦᑑᐸ 28 ᐊᒻᒪ ᐋᑦᑑᐸ 30. ᑯᕕᑎᑦᑎᒋᐊᓖᑦ ᐅᑯᐊ ᖃᓂᒌᑦ ᐃᓪᓗᐃᑦ ᐅᑯᓇᓂ ᐅᓪᓗᓂ:
ᐋᑦᑑᐸ 28 ᐊᒻᒪ 29 (ᑎᓴᒻᒥᕐᒥ ᐊᒻᒪ ᑕᓪᓕᒥᕐᒥ): ᑕᓯᓗᓕᐊᕆᐊᒦᑦᑐᑦ, ᐱᓱᕐᕋᒦᑦᑐᓕᒫᑦ ᐊᒻᒪ ᖃᖅᑲᓕᐊᕆᐊᖅ ᐊᑐᕆᐊᕐᒥ.
ᐋᑦᑑᐸ 30 ᐊᒻᒪ 31 (ᓈᑦᓯᐅᖑᔭᓛᕐᓂᐊᒥ ᐊᒻᒪ ᓈᑦᓯᐅᖑᔭᒥ): ᕼᐋᐱ ᕚᓕᒥᐅᑕᐃᑦ, ᐆᔭᐅᔭᓂ ᐃᓪᓗᓂ, ᐊᑦᓯᓂᕐᓴᒥᐅᑦ ᓄᓇᓕᓐᓂ ᐊᒻᒪ ᐊᓪᓕᖅᐹᒥᐅᑦ.
ᐅᑯᐊ ᐊᑐᖁᔭᐅᔪᑦ ᐊᑐᐊᒐᐃᑦ, ᐱᓯᒪᔪᑦ ᒐᕙᒪᒃᑯᓐᓂᑦ ᓄᓇᕗᒻᒥ, ᑯᕕᑎᑦᑎᓕᕈᑦᓯᐅᒃ ᐃᒥᓕᕆᔾᔪᑎᓯ:
1. ᑯᕕᑎᑦᑎᓂᖅ ᓂᓪᓕᓇᖅᑐᒥᑦ ᐃᒥᕐᒥᒃ ᑯᕝᕕᕕᓂᑦ
o ᓱᓇᑐᐃᓐᓇᕐᓂᒃ ᖃᓂᒋᔭᖃᕆᐊᖃᖕᖏᑦᑐᑦ ᓴᓗᒻᒪᕐᓴᐃᔾᔪᑎᓂᑦ (ᓲᕐᓗ ᑲᖕᖔᑎᑦᓯᔾᔪᑎ, ᐃᒥᕐᒥᒃ ᐊᕿᓕᓴᐅᑦ), ᑯᕕᑎᑦᑎᒋᐊᓚᐅᖏᓂᕐᓂ.
o ᑯᕝᕕᕕᒻᒧᑦ ᐊᑕᔪᒥᑦ ᑲᖕᖔᑎᑦᓯᔾᔪᑎᖃᕈᑦᓯ, ᐲᕆᐊᓕᒃ ᑲᖕᖔᑎᑦᓯᔾᔪᑎᐅᑉ ᐃᓗᓕᖓ ᐊᒻᒪ ᓄᑖᒧᑦ ᑭᖑᕝᕕᕐᓗᒍ ᑯᕕᑎᑦᑎᖃᑦᑕᕇᕈᑦᓯ (ᓲᕐᓗ, ᐸᐅᕐᒧᑦ ᑲᖕᖔᑎᑦᓯᔾᔪᑎ ᐃᒥᐅᖏᑦᑐᒥᑦ ᐃᒥᓕᐅᕈᑎᓂᑦ ᐊᑐᖅᑐᓄᑦ).
o ᐱᒋᐊᕈᑎᖃᕐᓗᓯ ᑯᕕᑎᓪᓗᒍ ᓂᓪᓕᓇᖅᑐᒥᑦ ᐃᒥᕐᒥᒃ ᑯᕕᑎᑦᓯᔾᔪᑎ ᖃᓂᑦᓴᓛᖅ ᐃᓪᓗᒧᑦ ᐃᒥᕐᒧᑦ ᓱᓪᓗᓕᒻᒥᑦ. ᑕᐃᒪ ᐊᓯᖏᑦ ᐅᖓᓯᓐᓂᕐᓴᐃᑦ ᑯᕕᑎᑉᐸᓪᓕᐊᓕᕐᓗᒋᑦ. 20 ᒪᓇᑦᓯᓂᑦ ᑯᕕᑎᒋᐊᖃᕐᓂᐊᖅᑐᑦ.
o ᐲᖅᑕᐅᓗᑎᒃ ᐊᒻᒪ ᓴᓗᒻᒪᓴᖅᑕᐅᓗᑎᒃ ᐃᒥᕐᒥᒃ ᓯᖅᐸᕿᔾᔭᐃᒃᑯᑎᖏᑦ ᑯᕕᑎᓪᓗᒍ
ᐊᔪᕐᓇᖏᑉᐸᑦ. ᐅᕕᓂᓐᓂᐊᕐᕕᒃ ᓱᓪᓗᓕᖃᖅᐸᑦ ᐊᒻᒪ ᑎᒻᒥᑳᓲᒥᑦ ᐅᕕᓂᓐᓂᐊᕈᑎᒥᑦ, ᑯᕕᑎᑦᓯᒋᐊᖃᖅᑐᓯ ᐊᑐᕐᓗᒍ ᓱᓪᓗᓕᖓ ᑎᒻᒥᑳᓲᖑᖕᖏᑦᑐᖅ.
o ᑯᕝᕖᑦ ᑯᕕᑎᒋᐊᓖᑦ ᐊᑕᐅᓯᐊᕐᓗᒋᑦ.
o ᑯᕕᑎᑕᐃᓐᓇᕆᓗᒋᑦ ᓯᓚᒥ ᑯᕕᑎᑦᓯᔾᔪᑎᐅᔪᑦ 10 ᒪᓇᑦᓯᓄᑦ.
o ᑯᕕᑎᑕᐃᓐᓇᕆᔭᕇᖅᐸᑕ ᑯᕕᑎᑦᓯᔾᔪᑏᑦ, ᐅᕕᓂᓐᓂᐊᕐᕕᐅᑉ ᑯᕕᑎᑦᓯᔾᔪᑎᖓ ᓄᖅᑲᑎᓪᓗᒍ ᑎᒻᒥᑳᓲᒃᑯᑦ ᑯᕕᑎᖔᕆᐊᖃᕐᓂᐊᖅᑐᑦ ᑕᐃᒪᐃᑦᑐᖃᕈᓂ.
2. ᑯᕕᑎᑦᑎᓂᖅ ᐆᓇᖅᑐᒥᑦ ᐃᒥᕐᒥᒃ ᑯᕕᑎᑦᓯᔾᔪᑎᓂᑦ ᐊᒻᒪ ᐃᒥᕐᒥᒃ ᐆᓇᖅᑐᓕᐅᕈᑎ (ᖃᑦᑕᒦᑦᑐᑦ ᐅᕝᕙᓘᓐᓃᑦ ᑕᒫᓂᖅᑭᔪᑦ)
o ᑯᕕᑎᓪᓗᒋᑦ ᐆᓇᖅᑐᒥᑦ ᐃᒥᕐᒥᒃ ᑯᕕᑎᑦᓯᔾᔪᑏᑦ, ᐱᒋᐊᕐᓗᓯ ᖃᓂᑦᓴᓛᒥᑦ ᐃᒥᕐᒥᒃ ᐆᓇᖅᑐᓕᐅᕈᑎᒥᑦ ᐊᒻᒪ ᐃᓘᓐᓇᑎᒃ ᐆᓇᖅᑐᒥᑦ ᐃᒥᕐᒥᒃ ᑯᕕᑎᑦᓯᔾᔪᑏᑦ ᑯᕕᑎᓕᕐᓗᒋᑦ.
o ᐅᕕᓂᓐᓂᐊᕐᕕᒃ ᓱᓪᓗᓕᖃᖅᐸᑦ ᐊᒻᒪ ᑎᒻᒥᑳᓲᒥᑦ ᐅᕕᓂᓐᓂᐊᕈᑎᒥᑦ, ᑎᒻᒥᑳᓲᒃᑯᑦ ᑯᕕᑎᖅᑳᕆᐊᓕᒃ.
o ᑯᕕᑏᓐᓇᕐᓗᒍ ᐃᒥᖅ ᑭᓯᐊᓂ ᑎᓴᐃᖓᕈᔪᓕᖅᐸᑦ ᓄᖅᑲᑎᓪᓗᒍ. 75 ᒪᓇᑦᓯᓄᑦ (80 ᒑᓚᓕᓐᓄᑦ ᐆᓇᖅᑐᒥᑦ ᐃᒥᒃᑯᕕᓐᓄᑦ, ᐅᕝᕙᓘᓐᓃᑦ 1 ᒪᓇᒥᑦ ᑯᕕᑎᑉᐸᓪᓗᒋᑦ 1 ᒑᓚᐅᑎᓪᓗᒍ ᐊᑐᓂ ᑯᕕᔪᖅ) ᑕᒫᓂᖅᑭᔪᓄᑦ ᐆᓇᖅᑐᒥᑦ ᐃᒥᖃᐅᑎᓄᑦ, ᑯᕕᑎᒋᐊᓖᑦ 10 ᒪᓇᑦᓯᓂᑦ.
o ᑯᕝᕕᕕᓕᒫᑦ ᑯᕕᑎᒍᓐᓃᕐᓗᑎᒃ.
o ᑯᕕᑎᑕᐃᓐᓇᕆᓚᐅᖅᑐᒋᑦ ᐃᓘᓐᓇᑎᒃ ᑯᕝᕕᕖᑦ, ᑯᕕᑎᒋᐊᓕᒃ ᐅᕕᓂᓐᓂᐊᕐᕕᐅᑉ ᑯᕕᑎᑦᓯᔾᔪᑎᖓ 2 ᒪᓇᑦᓯᓂᑦ.
3. ᓴᓗᒻᒪᕐᓴᐃᓂᖅ ᓱᓇᒃᑯᑖᕋᓛᓂᑦ (ᐱᔭᕇᖅᑕᐅᒋᐊᓖᑦ ᓱᓪᓗᓖᑦ ᑯᕕᑎᑕᐅᖃᑦᑕᕇᓚᐅᖅᑎᓪᓗᒋᑦ)
o ᐃᓗᓕᖃᖕᖏᓪᓗᓂ ᓂᕐᕆᑎᓂᑦ ᐅᐊᓴᕐᕕᒃ ᐊᐅᓚᑎᒋᐊᓕᒃ ᐊᒻᒪ ᐊᓐᓄᕌᓂᑦ ᐅᐊᓴᕐᕕᒃ ᐅᐊᓴᐅᑎᖃᕐᓗᒍ ᐊᑕᐅᓯᐊᕐᓗᑎᒃ.
o ᑭᖑᕝᕕᑎᖅᑕᐅᓗᑎᒃ ᐃᓘᓐᓇᑎᒃ ᐃᒥᕐᒧᑦ ᑲᖕᖔᑎᑦᓯᔾᔪᑎᐅᔪᑦ ᐊᒻᒪ ᐊᐅᓚᑎᓕᕐᓗᒋᑦ ᐅᕝᕙᓘᓐᓃᑦ ᑭᖑᕝᕕᖅᑕᐅᓗᑎᒃ (ᓲᕐᓗ, ᐃᓪᓗᐃᑦ ᐃᓗᓕᒫᖏᓐᓄᑦ ᑲᖕᖔᑎᑦᓯᔾᔪᑎᐅᕙᑦᑐᑦ, ᖁᐊᕐᑯᕕᒻᒥ ᑲᖕᖔᑎᑦᓯᔾᔪᑎ, ᐅᐊᔭᖏᑦ ᐊᓯᔾᔨᓕᕋᐃᒻᒪᑕ ᐊᑐᖅᐸᑦᑐᖅ, ᐃᒥᕐᒧᑦ ᖃᑦᑕᐅᑉ ᑲᖕᖔᑎᑦᓯᔾᔪᑎᖓ, ᐊᓯᖏᓪᓗ) ᑯᕕᑎᑦᑎᖃᑦᑕᕇᕈᑦᓯ.
ᑕᕆᐅᕐᒥᑦ ᐃᒥᓕᐅᕈᑏᑦ ᐊᑐᒐᔪᑉᐸᑦᑐᑦ ᓯᕗᓂᐊᒍᑦ ᑲᖕᖔᑎᑦᓯᔾᔪᑎᓂᑦ ᑭᖑᕝᕕᕆᐊᓕᓐᓂᑦ.
o ᐃᒥᕐᒥᒃ ᐊᕿᓪᓕᓴᐅᑏᑦ ᐊᑐᖅᑕᐅᒋᐊᓖᑦ ᒪᓕᑦᑕᐅᓗᑎᒃ ᓴᓇᓯᒪᔫᑉ ᒪᓕᒐᖏᑦ.
o 5 ᒪᓇᑦᓯᓂᑦ ᑯᕕᑎᒋᐊᓕᑦ ᖁᐊᒃᑯᕕᐅᑉ ᐃᒥᖃᕐᕕᖓ.
o ᐃᓗᓖᔭᕆᐊᓕᒃ ᓂᓚᓕᐅᕈᑎᐅᑉ ᐴᖓ; ᓂᓚᓕᐅᕈᑎᐅᓚᐅᕐᓗᓂ ᒪᕐᕈᐊᑎᕐᓗᓂ ᐊᒻᒪ ᐃᒋᖃᑦᑕᓚᐅᕐᓗᒋᑦ ᑖᒃᑯᐊ ᐊᑐᕋᑦᓴᓂᑦ ᓂᓚᓕᐅᓕᕋᔭᖅᑐᓯ.
o ᑏᓕᐅᕈᑏᑦ, ᑳᐱᓕᐅᕈᑏᑦ ᐊᒻᒪ ᐊᓯᖏᑦ ᒥᑭᔫᑏᑦ ᓱᓇᒃᑯᑖᑦ ᐊᑐᖅᐸᑦᑐᑦ ᐃᒥᕐᒥᒃ ᓴᓗᒻᒪᓴᖅᑕᐅᒋᐊᖃᕐᒥᔪᑦ.
▪ ᐊᑦᑐᐊᔭᑦᓴᐃᑦ ᐃᓚᖏᑦ ᐃᒥᒃᑯᕕᓐᓄᑦ ᐅᐊᓴᖅᑕᐅᒋᐊᓖᑦ ᐊᒡᒐᒻᒧᑦ ᐅᐊᓴᐅᑎᖃᕐᓗᑎᒃ ᐊᒻᒪ ᐃᒥᕐᒥᒃ ᐊᒻᒪ ᐃᕐᕈᑦᓯᐊᐸᓐᓂᐊᕐᓗᒋᑦ ᐅᐊᓴᕇᖅᐸᑕ.
▪ ᐊᑦᑐᐊᔭᑦᓴᐅᖏᑦᑐᑦ ᐃᕐᕈᑦᑕᐅᖃᑦᑕᕆᐊᓖᑦ ᒪᕐᕈᐊᑎᕐᓗᒋᑦ ᒪᕐᕈᐊᑎᓗᐊᕐᓗᒋᓪᓘᓐᓃᑦ ᐃᒥᕐᒧᑦ ᓱᓇᓕᐅᕈᑎᐅᑉ ᐃᓗᐊ.
o ᐃᒥᕐᒥᑦ ᖃᑦᑕᓄᑦ ᑲᖕᖔᑎᑦᓯᔾᔪᑎᐅᔪᑦ ᓴᓗᒻᒪᓴᖅᑕᐅᒍᓐᓇᖅᑐᑦ.
▪ ᐊᒡᒐᒻᒧᑦ ᐅᐊᓴᕐᓗᒍ ᐃᒥᒃᑯᕕᒃ ᐊᒻᒪ ᑲᖕᖔᑎᑦᓯᔾᔪᑎᖓᑕ ᐴᖓ ᐊᒻᒪ ᐃᕐᕈᓯᐊᖅᐸᓪᓗᒋᑦ.
▪ ᑭᖑᕝᕕᖅᑕᐅᓗᓂ ᑲᖕᖔᑎᑦᓯᔾᔪᑎᖓ.
o ᐃᒥᕐᒥᒃ ᐳᔫᖅᑐᑦ ᓴᓗᒻᒪᓴᖅᑕᐅᒍᓐᓇᖅᑐᑦ (ᒪᐃᒎ ᑭᓕᓂᒃ, 2021) (Mayo Clinic, 2021).
▪ ᖃᑦᑕᐅᑉ ᐃᓗᐊ ᐅᐊᓴᕆᐊᓕᒃ ᐸᓂᑲᑦᓯᐅᑎᒧᑦ ᐅᐊᓴᐅᒻᒧᑦ ᐊᒻᒪ ᓴᓗᒪᔪᒧᑦ ᐃᒥᕐᒧᑦ ᐊᒻᒪ ᐃᕐᕈᓯᐊᖅᐸᓪᓗᒋᑦ.
▪ ᐊᓯᔾᔨᖅᑕᐅᒋᐊᓕᒃ ᑲᖕᖔᑎᑦᓯᔾᔪᑎᖓ ᐅᕝᕙᓘᓐᓃᑦ ᒪᓂᖓ ᒪᓕᑦᑕᐅᓗᑎᒃ ᓴᓇᓯᒪᔪᑦ ᒪᓕᒐᖏᑦ.
ᑯᕕᑎᑕᐅᒍᑎᒃ ᓱᓪᓗᓖᑦ ᐃᒥᑦᑎᐊᕙᒻᒧᑦ ᐲᔭᕈᓐᓇᓂᐊᖅᑐᑦ ᐊᒥᐊᒃᑯᐃᑦ ᓱᕈᐃᓯᒪᔪᑦ ᓱᓪᓗᓕᖏᓐᓂᑦ ᐃᓕᑦᓯ.
###
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐅᓇ:
ᔭᕗᕆ ᐴᕐᓐ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨᐅᑲᐃᓐᓇᖅᑐᖅ
867-979-5619 | g.byrne@iqaluit.ca
