ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓴᓂᕐᓂᑦ ᐊᒃᑕᕐᕕᖕᒨᖅᓯᓕᕌᖕᒐᕕᑦ ᒪᑐᓯᒪᑦᑎᐊᖅᐸᓪᓗᒋᑦ
ᔫᓂ 25, 2024 – ᐃᖃᓗᐃᑦ, ᓄᓇᕗᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᐊᒻᒪᓗ ᓇᖕᒥᓂᖃᕐᕕᐅᔪᓂᒃ ᐱᒻᒪᕆᐅᓂᖕᒐᓂᒃ ᒪᑐᓯᓯᒪᑦᑎᐊᕆᐊᖃᕐᓂᕐᒥᒃ ᐊᒃᑕᕐᕕᖕᒨᓯᓕᕌᖕᒐᕕᑦ ᓴᓂᕐᓂᑦ. ᑎᑎᕋᖅᓯᒪᔪᖅ ᓄᓇᓕᐸᐅᔭᕐᒥ ᐃᖃᓗᖕᓂ ᐃᖕᒋᕐᕋᔪᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᕋᓛᖅ #943, ᐊᑐᖅᑕᐅᔭᕆᐊᖃᓪᓚᕆᒃᑐᖅ ᒪᑐᓯᓯᒪᑦᑎᐊᕆᐊᖃᕐᓂᕐᒥᒃ ᑕᒪᐅᖕᒐᑐᐃᓐᓇ ᐃᒋᐅᖅᑲᐃᖁᔨᓇᑕ ᐊᑦᑕᕐᓇᖅᑕᐃᓕᒪᓂᕐᒧᓪᓗ.
ᐊᒃᑐᐊᓂᓖᑦ ᒪᓕᒐᕋᓛᓕᕆᔨᒃᑯᑦ:
• ᐊᒡᒍᖅᓯᒪᓂᖕᒐ 2.44: ᓴᓂᓕᒫᑦ ᐊᒃᑕᕐᕕᓕᐊᕈᔾᔭᐅᔪᑦ ᒪᑐᓯᒪᑦᑎᐊᖅᑐᐃᓐᓇᐅᖃᑦᑕᕆᐊᓖᑦ ᑯᕕᔪᖃᕐᓂᐊᖖᒋᒻᒪᑦ ᓈᕕᑦᑐᖃᖖᒋᓪᓗᓂᓗ.
• ᐋᖅᑭᒃᓯᒪᓂᖕᒐ “A” - ᐊᒡᒍᖅᓯᒪᓂᖕᒐ 2.44(1): ᒪᑐᑦᑎᐊᖅᐸᖖᒋᒃᑯᕕᒋᑦ ᐊᑭᓕᒐᒃᓴᓂᒍᓐᓇᖅᑐᑎᑦ $250-ᓂᑦ.
• ᐋᖅᑭᒃᓯᒪᓂᖕᒐ “A” - ᐊᒡᒍᖅᓯᒪᓂᖕᒐ 2.44(2): ᒪᑐᓯᒪᑦᑎᐊᖖᒋᑉᐸᑕ ᕿᓚᒃᓱᖅᓯᒪᔭᕆᐊᖃᖅᐸᑕᓘᓐᓃᑦ ᐊᑭᓕᒐᒃᓴᓂᒍᓐᓇᖅᑐᑦ $500-ᓂᒃ.
ᖃᓄᐃᒻᒪᑦ ᑖᓐᓇ ᐱᒻᒪᕆᐅᕙ:
• ᐊᕙᑎᑦᑎᓐᓂ ᓴᐳᔾᔨᓯᒪᓂᖅ: ᒪᑐᓯᒪᑦᑎᐊᖅᑐᒋᑦ ᐃᑲᔫᑎᖃᕐᒪᑦ ᑎᑦᑕᐅᕋᖅᑕᐃᓕᓂᕐᒥᒃ, ᓴᓂᐅᑎᑦᑎᑦᑕᐃᓕᒪᓇᐅᒻᒪᑦ ᐊᒻᒪᓗ ᐊᕙᑎᒧᑦ ᓱᕈᖅᑕᐃᓕᒪᑎᑦᑎᓂᐅᓪᓗᓂ.
• ᐊᖅᑯᑎᒃᑯᑦ ᐊᑦᑕᕐᓇᖅᑕᐃᓕᒪᓂᖅ: ᒪᑐᓯᒪᑦᑎᐊᖖᒋᑦᑐᑦ ᐊᑦᑕᕐᓇᖅᑎᑦᑎᔪᓐᓇᕐᒪᑦ ᐊᖁᒃᑐᓄᑦ ᑕᑯᒃᓴᐅᑦᑎᐊᕈᓐᓃᖅᑎᑦᑎᓪᓗᓂᓗ ᐱᕐᕈᓗᐊᕿᔪᓐᓇᖅᑐᓂᓗ.
• ᓄᓇᓕᖕᓂ ᓴᓗᒪᑎᑦᑎᓂᖅ: ᓴᓃᑦ ᐴᖅᓯᒪᑦᑎᐊᕐᓗᒋᑦ ᐊᒃᑕᕐᕕᓕᕈᔾᔭᐅᑎᓪᓗᒋᑦ ᓴᓗᒪᑎᑦᑎᔪᓐᓇᕐᒪᑦ ᖃᓂᒋᔭᑦᑎᓐᓂᑦ.
ᐃᑲᔫᑎᒃᓴᑦ ᒪᑐᓯᒪᑦᑎᐊᖅᑎᑦᑎᓂᕐᒥᒃ:
1. ᐊᑐᕐᓗᑎᑦ ᐃᖕᒍᕆᕐᒥᒃ: ᐃᖕᒍᕆᕐᒧᑦ ᒪᑐᓯᒪᓗᒋᑦ ᐊᒃᑐᓈᕐᒧᓪᓗ ᓇᕿᑕᕆᑦᑎᐊᕐᓗᒋᑦ.
2. ᓄᓗᐊᖖᒍᐊᕐᓗᒋᑦ: ᐊᖕᒋᔫᑎᑦ ᐱᖁᑎᑦ, ᐊᑐᕐᓗᒋᑦ ᓄᓗᐊᖖᒍᐊᑦ ᐊᑐᖅᑕᐅᓲᑦ ᖃᖕᒐᑕᓲᒃᑯᑦ ᐅᓯᔪᓄᑦ ᓅᑦᑕᐃᓕᑎᓪᓗᒋᑦ.
3. ᖃᐅᔨᓴᒐᔪᓪᓗᒋᑦ: ᐃᖕᒋᕐᕋᓯᓚᐅᖖᒋᓐᓂᕐᓂ, ᖃᐅᔨᒋᐊᒃᑲᓐᓂᕐᓗᒋᑦ ᐅᓕᓯᒪᑦᑎᐊᕋᓗᐊᕐᒪᖕᒑᑕ ᐊᑦᑕᕐᓇᖖᒋᒃᑲᓗᐊᕐᒪᖕᒑᑕᓗ ᖃᓱᔾᔭᐃᕐᓗᒋᑦ.
ᑖᒃᑯᐊ ᐊᑐᕐᓗᒋᑦ ᓴᓗᒪᑎᑦᑎᔪᓐᓇᖅᑐᒍᑦ ᓄᓇᓕᐸᐅᔭᑦᑎᓐᓂᒃ ᓴᐳᔾᔨᓯᒪᔪᒪᓂᕐᒧᑦ ᐊᕙᑎᒥᒃ. ᐱᓕᕆᖃᑕᐅᓃᑦ ᖁᔭᓇᖅᐳᖅ.
##
ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᔨᐊᕝ ᕚᕐᓂ
ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ
ᐃᖃᓗᖕᓂ ᓄᓇᓕᐸᐅᔭ
867-979-5619 | g.byrne@iqaluit.ca
