ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᓵᓂᑲᓛᓯ ᐱᑖᖅᑎᑦᓯᔨ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᓛᖅᑐᖅ ᒪᓕᑦᑎᒌᓪᓗᑎᒃ, ᓈᑦᓯᐅᖑᔭᓛᕐᓂᐊᖑᓕᖅᐸᑦ ᑏᓰᐱᕆ 10
ᑏᓰᐱᕆ 1, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᓱᓕᕆᕗᑦ ᑐᖕᖓᓱᑦᑎᑦᓯᓛᕐᓂᕐᒥᓂᒃ ᐃᖃᓗᓐᓂᒥᐅᑕᓂᑦ ᐊᕐᕌᒍᑦᑎᓐᓂ ᐱᑖᖅᑎᑦᓯᔨ ᓵᓂᑲᓛᓯ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᓛᖁᓪᓗᒍ, ᓈᑦᓯᐅᖑᔭᓛᕐᓂᐊᖑᓕᖅᐸᑦ, ᑏᓰᐱᕆ 10. ᐃᖏᕐᕋᓯᓛᖅᑐᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂᑦ ᖁᓛᓅᖅᐸᑦ 12-ᒥ ᐅᓪᓗᒃᑯᑦ, ᐊᒻᒪ ᓄᖅᑲᕐᓗᑎᒃ ᓴᓂᐊᓂ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ, ᑕᐃᑲᓃᓛᖅᑐᖅ ᐱᑖᖅᑎᑦᓯᔨ ᒪᒃᑯᑦᑐᒃᑯᕕᐅᓂᖓᓂ ᐊᔾᔨᓕᐅᖅᑕᐅᔪᒪᓐᓂᕈᓂ ᐊᒻᒪ ᐆᓇᖅᑐᒥᑦ ᑯᑯᒥᑦ ᓂᐅᖅᑲᖃᓛᖅᑐᖅ.
ᐃᓚᒋᔭᐅᓛᕈᒪᔪᑦ ᐃᖏᕐᕋᔭᑦᑐᓄᑦ, ᑲᓕᒐᐃᑦ ᑕᑯᒥᓇᓕᖅᑎᓯᒪᔪᑦ ᐊᒻᒪ ᑭᒃᑯᑐᐃᓐᓇᐃᑦ ᐊᑎᓕᐅᕐᓯᒪᒋᐊᖃᓛᖅᑐᑦ ᓯᕗᓂᐊᒍᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐊᓪᓚᕝᕕᖏᓐᓂ. ᑐᑭᓯᒋᐊᒃᑲᓐᓂᕐᕕᑦᓴᖅ ᐊᒻᒪ ᐊᑎᓕᐅᕈᒪᔪᑦ ᖃᐅᔨᒋᐊᕈᓐᓇᖅᑐᑦ ᐱᖕᖑᐊᖅᑐᓕᕆᔨᒃᑯᓐᓂᑦ 979-5611-ᒧᑦ, ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᓗᓯ ᐅᕗᖓ recreation@city.iqaluit.nu.ca. ᐱᔾᔪᓯᐊᖅᑎᑕᐅᖃᑦᑕᓛᖅᑐᑦ ᑕᑯᒥᓇᕐᓂᖅᐹᑦ.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: a.spitzer@city.iqaluit.nu.ca
