ᕼᐋᓗᐄᖑᓕᖅᐸᑦ 2015

ᓄᓇᓕᓐᓄᑦ ᑐᓴᕋᑦᓴᖅ

ᐋᒃᑑᐸ 28, 2015 (ᐃᖃᓗᐃᑦ, ᓄᓇᕗᑦ)  ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐅᔾᔨᕈᓱᒋᐊᒃᑲᓐᓂᖁᔨᓪᓗᑎᒃ ᐊᓃᕋᔭᓕᖅᐸᑕ ᐳᓚᕋᑦᑐᑦ ᕼᐋᓗᐄᖑᓕᖅᐸᑦ, ᓈᑦᓯᐅᖑᔭᓛᕐᓂᐊᒥ, ᐋᒃᑑᐸ 31, 2015.

ᐊᑏ ᑐᕐᖓᕋᓛᕈᓗᐃᑦ ᐊᔾᔨᒌᖏᑦᑐᑦ ᐅᓗᕆᐊᓇᖅᑐᒦᑎᑦᑕᐃᓕᒪᓛᖅᑲᕗᑦ ᐳᓚᕋᕐᓂᖏᓐᓂ ᐃᓪᓗᓄᑦ.

ᐅᑯᐊ ᐊᑐᕆᐊᑦ ᐊᑕᐅᓯᕐᒧᑦ ᑐᑭᓕᐊᖓᑎᑕᐅᑲᐃᓐᓇᓛᕐᒪᑕ ᐳᓚᕋᕐᓂᖏᓐᓂ 5:30-ᒥᑦ 8:30-ᒧᑦ ᐅᓐᓄᒃᑯᑦ:

ᑕᓯᓕᒃ ᐊᑐᕆᐊᖅ ᐊᑕᐅᓯᕐᒧᑦ ᑐᑭᓕᐊᖓᑲᐃᓐᓇᓛᖅᑐᖅ ᐃᓪᓗᒥᑦ 2726 ᐊᒻᒪᑦᑕᐅᖅ ᐃᒥᖅᑕᕐᕕᒥᓂᖅ ᐊᑐᕆᐊᖅ ᐊᒻᒪ ᐊᓄᕆ ᐊᑐᕆᐊᖅ, ᑕᒪᒃᑯᐊ ᑕᓯᓗᓕᐊᕆᐊᒥ ᐃᓪᓗᖃᕐᕕᒻᒦᑦᑐᑦ.

ᑕᐃᑲᓂ ᐅᓐᓄᒥ, ᓄᓇᒃᑰᔫᓕᒫᑦ ᑕᑉᐸᐅᖓ ᐃᓯᖃᑦᑕᓛᖅᑐᑦ ᑕᓯᓕᒃ ᐊᑐᕆᐊᒃᑯᑦ ᐊᓂᕙᓪᓗᑎᒃ ᑕᓯᓗᓕᐊᕆᐊᖅ ᐊᑐᕆᐊᒃᑯᑦ.

ᐃᓪᓗᓖᑦ ᐊᓄᕆ ᐊᑐᕆᐊᕐᒥ ᐊᖅᑯᑎᖃᓛᖅᑐᑦ ᑕᓯᓗᓕᐊᕆᐊᖅ ᐊᑐᕆᐊᒃᑯᑦ.

ᖃᐅᔨᒪᓛᖅᑯᓯ, ᓄᓇᒃᑰᔫᓯ ᓄᖅᑲᖓᑎᒍᓐᓇᓛᖏᓇᑦᓯᐅᒃ ᐊᑐᕆᐊᑉ ᓴᐅᒥᐊᓂ ᐳᓚᕋᕐᓂᖏᓐᓂ ᓱᕈᓰᑦ.

ᖁᔭᓐᓇᒦᒃ ᖁᕕᐊᓚᓐᓂᖏᓐᓂ ᓯᓚᒥ ᐃᑲᔪᕈᓐᓇᓛᕐᒥᒐᑦᓯ.

ᐊᑏ ᓱᕈᓯᕗᑦ ᐅᓗᕆᐊᓇᖅᑐᒦᑎᑦᑕᐃᓕᒪᓇᓱᓛᖅᑲᕗᑦ.

ᖁᕕᐊᓱᓛᖅᑯᓯ ᕼᐋᓗᐄᖑᓕᖅᐸᑦ!

 

ᑐᑭᓯᒋᐊᕐᕕᑦᓴᖅ:

ᑭᐊᕕᓐ ᓯᓗᐴᑕ
ᐊᖏᔪᖅᑳᖓᑦ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ
ᐃᖃᓗᐃᑦ ᓄᓇᓕᖓᓂ ᐊᑐᓕᖅᑎᑦᓯᔩᑦ
ᐅᖄᓚᐅᑎᖓ: (867) 979-6363 ᓇᕿᓪᓗᒋᑦ 222