13 ᐃᖃᓗᒻᒥᐅᑕᐃᑦ ᐅᕕᒃᑲᐃᑦ ᐱᖃᑕᐅᓛᕆᐊᙱᓐᓂ ᐳᐃᔾᔪᕋᕝᕕᒥ ᓯᕗᓕᖅᑏᑦ ᐱᓕᒻᒪᓴᕐᓂᕐᒧᑦ ᐱᓕᕆᐊᒃᓴᒥᑦ.

09/11/2015

ᑐᓴᕋᑦᓴᑦ

 

ᓅᕕᑉᐱᕆ 9, 2015 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᒃᑯᑦ ᐃᖃᓗᓐᓂ ᐱᙳᐊᖅᑐᓕᕆᔨᒃᑯᖏᑦ ᖁᕕᐊᓱᑉᐳᑦ ᑐᓴᖅᑎᑦᓯᒋᐊᖓ ᑖᑯᐊ 13 ᐃᖃᓗᒻᒥᐅᑕᐃᑦ ᐅᕕᒃᑲᐃᑦ ᐱᖃᑕᐅᓛᕆᐊᙱᓐᓂ ᐳᐃᔾᔪᕋᕝᕕᒥ ᓯᕗᓕᖅᑏᑦ ᐱᓕᒻᒪᓴᕐᓂᕐᒧᑦ ᐱᓕᕆᐊᒃᓴᒥᑦ. ᐱᓕᒻᒪᓴᕐᓂᕐᒧᑦ ᐃᓕᓐᓂᐊᕐᓂᖅ ᐱᖃᓯᐅᑎᓯᒪᒻᒪᑦ ᐳᐃᔾᔪᕋᓂᕐᒥᒃ ᐊᒻᒪᓗᑦ ᐃᓅᓕᑦᓯᓂᕐᒥᒃ ᐊᒻᒪᓗ ᐃᓕᓴᕆᔭᐅᔾᔪᑎᓂᒃ ᐃᓅᓕᑦᓯᒍᓇᕐᓂᕐᒥᒃ ᑲᓐᓄᔭᐅᔭᕐᒥ ᐅᔭᒥᐅᑎᒥᒃ ᐊᒻᒪᓗ ᑲᓐᓄᔭᐅᔭᕐᒥᒃ ᓴᓐᓂᖓᔪᓕᒻᒥᒃ ᐃᓕᓐᓂᐊᕈᑎᓂᒃ. ᐃᓚᒋᔭᐅᔪᑦ ᐳᐃᔾᔪᕋᕝᕕᒥ ᓯᕗᓕᖅᑏᑦ ᐱᓕᒻᒪᓴᕐᓂᕐᒧᑦ ᐱᓕᕆᐊᒃᓴᒥᑦ ᒫᓐᓇᒃᑯᑦ ᐱᕙᓪᓕᐊᒻᒪᑕ ᖃᐅᔨᒪᓂᖏᓐᓂᒃ ᐊᒻᒪᓗ ᐳᔪᓇᑦᓯᐊᕐᓗᑎ ᓯᕗᓂᒃᑎᓂ ᐃᓅᓕᑦᓯᔨᐅᒍᓇᕐᓗᑎ ᐃᖃᓗᐃᑦ ᐳᐃᔾᔪᕋᕕᑦᓴᖓᓂ ᓄᑖᒥᒃ. ᑖᒃᑯᐊ ᑲᑎᙵᔪᐃᑦ ᐊᐅᓪᓚᓛᕐᑐᑦ ᐋᑐᕚᒧᑦ ᐱᓕᒻᒪᑦᓴᕆᐊᖅᑐᕐᓗᑎᒃ ᓅᕕᑉᐱᕆ 14-ᒥᒃ ᓅᕕᑉᐱᕆ 20-ᒥ ᐅᑎᕐᓗᑎᒃ ᐃᖃᓗᓐᓄᑦ. ᑕᒪᓐᓇ ᐱᕕᑦᓴᖃᕐᓂᖅ ᐃᖃᓗᒻᒥᐅᓄᑦ ᐅᕕᒃᑲᕐᓄᑦ ᑲᔪᓯᑎᑕᐅᒍᓐᓇᓚᐅᕐᑐᖅ ᑮᓇᐅᔭᓂᒃ ᐃᑲᔪᕐᑐᕐᓂᖏᓐᓄᑦ ᐱᓕᕆᕕᖓᑦ ᖃᑕᙳᑎᒌᓄᑦ ᐱᔨᑦᓯᕋᖅᑏᑦ ᐊᕐᑯᑎᒋᓪᓗᒋᑦ ᑲᓇᑕᒥ-ᓄᓇᕗᒻᒥᓗ ᐃᕐᑲᓇᐃᔮᒃᓴᓄᑦ ᐃᑲᔫᑎᑦ ᐊᒻᒪᓗ ᐱᓕᕆᕕᖓᑦ ᐱᙳᐊᕐᓂᖅ ᐊᒻᒪᓗ ᐱᙳᐊᖅᑐᓕᕆᔨᒃᑯᑦ ᓄᓇᕗᒻᒥ.

 
ᑐᑭᓯᒋᐊᒃᑲᓐᓂᕕᑦᓴᖅ, ᖃᐅᔨᒋᐊᕐᕕᒋᓗᒍ:

 

ᐄᕙ ᒪᐃᑯᓪ, ᑐᓴᐅᒪᔭᐅᔭᕆᐊᓕᓐᓂᒃ ᑲᒪᔨ
ᓄᓇᓕᐸᐅᔭᐃᑦ ᐃᖃᓗᐃᑦ,
ᐅᖄᓚᐅᑦᓪ: (867) 975-8525
ᐅᖄᓚᐅᑎᕋᓛᖅ: (867) 222-5728
ᑲᕆᑕᐅᔭᒃᑯᑦ: e.michael@city.iqaluit.nu.ca

 

 

Notice: