ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᖃᓗᓐᓂ ᐊᑦᓴᓗᐊᓕᓐᓄᑦ ᓯᐊᕐᕆᔮᕐᕕᒃ
ᑖᓐᓇᓕ ᐱᐅᔪᐊᓗᒃ ᐱᖕᖑᐊᕐᕕᒃ ᓯᐊᕐᕆᔭᐅᑎᓄ ᐊᑦᓴᓗᐊᓕᓐᓄᑦ ᐊᒻᒪᓗ ᐊᑦᓴᓗᐊᓕᓐᓄᑦ ᐊᓐᓂᑭᑦᑐᓛᕐᓇᖅᑐᓂ, ᐊᕐᕌᒍᑕᒫᖅ ᒪᐃᒥᓂᑦ ᐋᑦᑑᐸᒧᑦ ᑰᓕᕐᕕᒻᒥ. ᓯᐊᕐᕆᔮᕐᕕᒃ ᐱᖕᖑᐊᕈᑎᓕᒃ ᓱᓪᓗᓕᐸᐅᔮᓗᒻᒥᑦ ᖁᐱᓯᒪᔪᒥᑦ, 12 ᕖᑦᓂᑦ ᑕᑭᓂᓕᒻᒥᑦ ᓱᓪᓗᓕᐅᑉ ᐃᓚᒥᓂᖓᓂᑦ, ᖁᕝᕙᐸᓪᓕᐊᔪᒥᑦ, ᒪᓂᕋᖅᑐᒥᑦ, ᑎᒍᒥᐊᕐᕕᓐᓂᑦ ᐊᒻᒪᓗ ᓱᓇᑐᐃᓐᓇᑦᓯᐊᓂᑦ ᐊᓐᓂᑭᑦᑐᓛᖅᑎᓄᑦ ᓴᓇᔭᐅᓯᒪᔪᓄᑦ ᐱᒋᐅᖅᐸᓪᓕᐊᔪᓄᓪᓗ ᐊᒻᒪᓗᑦᑕᐅᖅ ᐱᓕᒻᒪᑦᓴᕐᓯᐊᕐᓯᒪᔪᓄᑦ ᐱᖕᖑᐊᕈᒪᕙᑦᑐᓄᑦ ᐊᓯᒥᓂᒃ ᐱᒃᑲᐅᓂᕐᓴᐅᓇᓱᑦᑐᑎᒃ. ᐊᓐᓂᑭᑦᑐᓛᖅᑎᑦ ᓂᕆᐅᒋᔭᖃᕈᓐᓇᖅᑐᑦ ᐊᓯᒥᓂᒃ ᓵᓚᑦᓴᕋᓲᑎᓂᑦ, ᓯᕋᓯᒪᔪᓂᑦ ᓂᕆᓂᑦ, ᐊᓐᓂᑭᑦᑐᓛᕐᓂᕐᒥᑦ ᐱᓕᒻᒪᑦᓴᐅᑎᓂᑦ ᐃᓕᓐᓂᐊᕈᓐᓇᐸᑦᑐᑦ ᐊᒻᒪᓗ ᐊᓯᖏᓐᓂᑦ ᐊᑐᖅᑕᐅᓗᐊᖅᐸᖏᑦᑐᓂᑦ ᖃᓄᐃᓕᐅᖅᐸᑦᑐᑎᒃ ᐱᖕᖑᐊᕐᕕᐅᓂᖓ ᑕᐃᑲᓂ. ᓯᐊᕐᕆᔮᕐᕕᒃ ᐊᑐᖅᑕᐅᔪᓐᓇᐸᒻᒥᔪᖅ ᓇᓪᓕᐅᑎᔨᐊᓕᓐᓄᑦ ᐊᒻᒪᓗ ᐊᓯᖏᓐᓄᑦ ᖃᓄᐃᓕᐅᕈᑎᓄᑦ. ᐱᖕᖑᐊᖅᑎᑦ ᐊᕐᕌᒍᓕᑦ 10-ᓂᑦ ᓄᑲᖅᑏᓪᓗ ᐃᓐᓇᕐᒥᒃ ᐊᐃᑉᐸᖃᐃᓐᓇᕆᐊᖃᖅᐸᑦᑐᑦ ᐊᒻᒪᓗ ᐋᓐᓂᔭᐃᒃᑯᑎᓕᓐᓂᑦ ᓱᓇᒃᑯᑖᖃᖅᐸᓪᓗᑎᒃ.
ᓯᐊᕐᕆᔮᕐᕕᒻᒥ ᐊᑦᓴᓗᐊᓕᓐᓂᑦ ᒪᓕᒐᐃᑦ
- ᓄᓇᓕᐸᐅᔭᐃᑦ ᐃᖃᓗᐃᑦ ᐸᓯᔭᑦᓴᐅᔾᔮᖏᑦᑐᑦ ᔭᒐᐃᔪᓂᑦ ᓱᓇᑐᐃᓐᓇᕐᓂᑦ, ᐊᓐᓂᖅᑐᓄᑦ ᐅᕝᕙᓘᓐᓃᑦ ᓱᕋᓚᑦᓯᔪᓄᑦ.
- ᓱᕈᓰᑦ ᐊᕐᕌᒍᓖᑦ 10-ᓂᑦ ᓄᑲᖅᑏᓪᓗ ᓯᐊᕐᕆᔮᕐᕕᒻᒦᒋᐊᖃᓐᖏᑦᑐᑦ ᐃᓄᑑᓗᑎᒃ ᐊᒻᒪᓗ ᐊᐃᑉᐸᖃᕆᐊᖃᖅᐸᑦᑐᑦ 16-ᓂᑦ ᐊᖏᔪᑦᑎᓄᑦ ᐊᕐᕌᒍᓕᓐᓂᑦ.
- ᓯᐊᕐᕆᔮᕈᒪᓂᐊᖅᑐᑦ ᐊᑦᓴᓗᐊᓕᓐᓄᑦ ᐊᒻᒪ ᐊᑦᓴᓗᐊᓕᓐᓄᑦ ᐊᓐᓂᑭᑦᑐᓛᕈᒪᔪᑦ ᑭᓯᐊᓂ ᐅᕙᓂ ᐱᖕᖑᐊᕈᓐᓇᖅᑐᑦ.
- ᐊᖏᕈᑎᐅᓯᒪᖕᖏᑦᑐᓂᑦ ᐱᖕᖑᐊᕈᑎᓂᑦ ᐊᑐᕆᐊᖃᓐᖏᑦᑐᑦ ᓯᐊᕐᕆᔮᕐᕕᒻᒥ.
- ᐋᓐᓂᖅᑐᖃᖅᐸᑦ ᐅᖃᑦᓴᐅᑎᒋᒋᐊᓕᒃ ᐃᖅᑲᓇᐃᔭᖅᑎᒧᑦ.
- ᓴᓗᒪᑎᒋᐊᓕᒃ ᐱᖕᖑᐊᕐᕕᒃ.
- ᐃᖅᑲᓇᐃᔭᖅᑎᓄᑦ ᓱᕋᑦᑐᓂᑦ ᐅᖃᐅᓯᖃᑦᓴᐅᑎᒋᒋᐊᓕᒃ.
- ᐊᓯᑎᑦ ᐃᑉᐱᒋᑦᓯᐊᖅᐸᓪᓗᒋᑦ. ᐱᖕᖑᐊᕐᕕᒻᒥᑦ ᒥᓐᓂᐸᖕᖏᓪᓗᑎᑦ.
- ᐊᐅᓚᔭᓐᓇᖅᑐᑦ ᐱᖕᖑᐊᕈᑎᑦ ᐃᓚᒋᔭᐅᓗᑎᒃ ᓯᐊᕐᕆᔮᕐᓂᖅ ᐊᒻᒪᓗ ᐊᑦᓴᓗᐊᓕᓐᓄᑦ ᐊᓐᓂᑭᑦᑐᓛᕐᓂᖅ ᐅᓗᕆᐊᓇᖅᑐᑎᒃ ᐱᖕᖑᐊᕈᑎᐅᔪᑦ.
- ᐋᓐᓂᓗᐊᔾᔭᐃᒃᑯᑎᑦᓴᑦ ᓇᓴᐃᑦ ᑎᓯᔪᑦ, ᓯᖅᑯᕐᒥᐅᑕᐃᑦ, ᐃᑯᓯᒻᒥᐅᑕᐃᑦ, ᐊᒻᒪᓗ ᐊᒡᒐᐅᑎᒥᐅᑕᐃᑦ ᓂᕈᒥᑦᑐᑦ ᐊᑐᖅᑕᐅᖏᓐᓇᕆᐊᓖᑦ.
- ᖃᐅᔨᒪᓪᓗᑎᑦ ᐅᓗᕆᐊᓇᖅᑐᒦᒃᑲᕕᑦ ᐱᖕᖑᐊᖅᐳᑎᑦ. ᓇᓗᓇᖕᖏᑦᑐᓂᑦ ᐅᓗᕆᐊᓇᖅᑐᑕᖃᕐᒪᑦ ᐊᑐᖅᑐᒍ ᐃᖃᓗᓐᓂ ᓯᐊᕐᕆᔮᕐᕕᒃ ᐊᑦᓴᓗᐊᓕᓐᓂᑦ, ᐊᒻᒪᓗ ᑭᓯᐊᓂ ᐊᓯᖃᕈᓐᓇᕆᓪᓗᑎᒃ ᑎᒥᒃᑯᑦ ᐋᓐᓂᕐᓂᖅ ᐊᒻᒪᓗ/ᐅᕝᕙᓘᓐᓃᑦ ᑐᖁᔾᔪᑕᐅᔪᓐᓇᖅᑐᑎᒃ.
- ᐃᔪᒃᑲᖅᑐᖃᕈᓐᓇᖅᑐᖅ ᐊᒻᒪᓗ ᓇᒡᒍᐊᒃᑯᑦ ᐊᓰᓐᓇᓕᒍᓐᓇᖅᑐᑎᒃ, ᐅᕐᕈᐊᑦᓯᒍᓐᓇᖅᑐᑎᒃ, ᑎᓪᓘᔭᓕᕈᓐᓇᖅᑐᑎᒃ, ᐊᒦᕈᓐᓇᖅᑐᑎᒃ, ᓄᑎᒍᓐᓇᖅᑐᑦ ᓴᐅᓂᑦ ᐊᒻᒪᓗ ᐊᓯᐊᒍᑦ ᐋᓐᓂᑐᒻᒪᕆᐅᒍᓐᓇᖅᑐᑎᑦ.
- ᐱᔪᓐᓇᕐᓃᑦ ᒪᓕᓪᓗᒍ ᐱᖕᖑᐊᕆᑦ.
- ᐱᖕᖑᐊᓚᐅᕐᓯᒪᑦᑕᐃᓕᑦᓯᐊᕆᑦ ᐋᖓᔮᕐᓇᖅᑐᓂᑦ ᐃᒥᐊᓗᒻᒥᓘᓐᓃᑦ ᐱᓯᒪᓗᑎᑦ.
- ᐃᖅᑲᓇᐃᔭᖅᑎᑦ ᓈᓚᑦᑕᐅᖏᓐᓇᕆᐊᓕᑦ ᑕᐃᒪᓐᖓᓕᒫᖅ.
- ᐱᖕᖑᐊᕆᐊᓕᒃ ᓇᓗᓇᐃᕐᓯᒪᔪᓂ ᑭᓯᐊᓂ
- ᐊᓕᒍᕐᓂᒃ ᐴᓕᓐᓂᑦ ᐃᒥᒐᖃᕆᐊᖃᖏ ᐅᕝᕙᓘᓐᓃᑦ ᐃᒥᐊᓗᖃᕆᐊᖃᖏᑦᑐᖅ.
- ᓴᓃᑦ ᓴᓂᒃᑯᕕᒻᒨᖃᑦᑕᕐᓗᒋᑦ.
- ᐅᖃᐅᓯᑲᒻᒪᓐᓂᑦ ᐅᖃᕆᐊᖃᖏᑦᑐᖅ, ᓂᖕᖓᐅᑎᒋᐊᖃᖏᑦᑐᖅ ᐊᒻᒪᓗ ᐱᐅᓯᕐᓗᒋᐊᖃᖏᑦᑐᖅ ᖃᖓᑐᐃᓐᓇᒃᑯᑦ.
- ᖁᕕᐊᓱᓪᓗᓯ ᐱᖕᖑᐊᕆᑦᓯ ᐊᒻᒪᓗ ᐊᑦᑕᓇᖏᑦᑐᒥᑦ ᐱᖕᖑᐊᐸᓪᓗᓯ
