ᓄᕙᕐᔪᐊᕐᓇᖅ−19 ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᖏᑦ

November 20, 2020

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᕙᕐᔪᐊᕐᓇᖅ−19 ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᖏᑦ

ᓅᕖᐱᕆ 20, 2020 – ᐃᖃᓗᐃᑦ, ᓄᓇᕗᑦ

 

ᓄᓇᓕᐸᐅᔭᐃᑦ ᐃᖃᓗᐃᑦ ᓱᓕ ᐱᓕᕆᖃᑎᖃᖅᑐᑦ ᒐᕙᒪᒃᑯᑦ ᓄᓇᕗᒻᒥ ᐋᓐᓂᐊᓇᖕᖏᑦᑐᓕᕆᔨᒃᑯᖏᓐᓂᑦ ᖃᐅᔨᓴᖅᐸᓪᓕᐊᓂᒃᑯᑦ ᐊᒻᒪ ᐱᓕᕆᓂᒃᑯᑦ ᐱᓕᕆᒋᐊᖃᓕᕋᐃᒐᒥᒃ ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ−19.

ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᑦ

ᐃᓐᓇᐃᑦ ᖃᒻᒪᖓᑦ, ᒪᒃᑯᑦᑐᒃᑯᕕᒃ, ᐱᖕᖑᐊᕐᕕᐊᓗᒃ ᐊᒻᒪ ᑰᓕᕐᕕᒃ ᒪᑐᐃᓯᒪᐃᓐᓇᓂᐊᖅᑐᑦ ᐊᓯᐊᒍᑦ ᓇᓗᓇᐃᖅᑕᐅᓚᐅᖏᓐᓂᖏᓐᓂ.  ᐃᓘᓐᓇᑎᒃ ᓯᑎᒃᑯᓐᓂᑦ ᐊᐅᓚᑕᐅᔪᑦ ᓯᓚᒥ ᐱᖕᖑᐊᕐᕖᑦ ᒪᑐᓯᒪᔪᐃᑦ ᑭᒃᑯᑐᐃᓐᓇᕐᓄᑦ.

ᑐᑭᓯᒋᐊᒃᑲᓐᓂᕐᕕᑦᓴᖅ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᓗᒋᑦ ᐅᑯᐊ recreation@iqaluit.ca.

ᐳᐃᔾᔪᕋᕐᕕᖃᕐᕕᒃ

ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᒪᑐᓯᒪᔪᖅ ᑭᒃᑯᑐᐃᓐᓇᕐᓄᑦ.

ᐊᐱᖅᑯᑎᖃᕈᕕᑦ ᐱᔾᔪᑎᖃᕐᓗᑎᑦ ᐊᕐᕌᒍᒧᑦ ᐊᒻᒪ ᑕᑦᑭᒧᑦ ᐃᓯᕈᑎᓂᑦ, ᐅᖄᓚᕕᒋᔪᓐᓇᖅᑕᑎᑦ ᐅᑯᐊ ᐱᔨᑦᓯᕋᖅᑏᑦ ᐅᕗᖓ  867-975 8544 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᓗᒋᑦ ᐅᑯᐊ aquaticcentre@iqaluit.ca

ᓯᑎᒃᑯᑦ ᐱᔨᑦᓯᕋᖅᑎᖏᑦ

ᐃᓘᓐᓇᑎᒃ ᓯᑎᒃᑯᑦ ᐱᓕᕆᕝᕕᖏᑦ ᐊᒻᒪ ᐃᖅᑲᓇᐃᔭᕐᕕᖏᑦ ᒪᑐᓯᒪᔪᐃᓐᓇᐃᑦ ᐊᑐᖅᑐᒻᒪᕆᐅᓗᐊᖏᑦᑐᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᑎᑕᐅᓗᑎᒃ ᐊᖏᕐᕋᒥᓐᓂ.

ᓄᓇᓕᕐᒥᐅᑕᐃᑦ ᐊᒻᒪ ᓇᖕᒥᓂᖃᖅᑏᑦ ᐱᓕᕆᑐᐃᓐᓇᖁᔭᐅᔪᑦ ᐊᒻᒪ ᐊᑭᓖᒍᓐᓇᖅᑐᑎᒃ ᖃᕋᑕᐅᔭᒃᑯᑦ ᐅᕝᕙᓘᓐᓃᑦ ᐅᖄᓚᐅᑎᒃᑯᑦ.

ᐃᑲᔪᖅᑕᐅᒍᒪᓐᓂᕈᕕᑦ ᐊᑭᓕᕐᓱᐃᓂᒃᑯᑦ, ᖃᐅᔨᒋᐊᖁᔪᑦ ᓯᑎᒃᑯᓐᓂ ᑮᓇᐅᔭᓕᕆᔨᒃᑯᑦ ᐅᕗᖓ accountsreceivable@Iqaluit.ca ᐅᕝᕙᓘᓐᓃᑦ  ᐅᖄᓚᓗᑎᑦ 979-5609 ᐊᒻᒪ ᑎᑎᕋᕐᕕᒋᓗᒍ ᐅᓇ  P.VanStrien@iqaluit.ca ᐅᕝᕙᓘᓐᓃᑦ  ᐅᖄᓚᓗᑎᑦ 979-5665 ᐊᑭᓕᕐᓱᐃᔾᔪᑎᓂᑦ ᐊᐱᖅᑯᑎᖃᕈᕕᑦ ᐃᒥᕐᒧᑦ ᐊᒻᒪ ᓴᓂᕐᓄᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᓱᓕ ᐊᑐᐃᓐᓇᖃᖅᑎᑦᑎᓂᐊᖅᑐᑦ ᐊᑑᑎᖃᕐᓂᖏᓐᓂᑦ ᐱᔨᑦᓯᕋᐅᑎᓂᑦ ᐱᖃᓯᐅᑎᓗᒋᑦ ᐃᒥᕐᒧᑦ ᐊᒻᒪ ᑭᓈᓗᓐᓄᑦ, ᓴᓂᕐᓄᑦ ᐊᒻᒪ ᒪᓕᒐᕋᓛᓕᕆᓂᕐᒥᑦ, ᖃᑦᑎᕆᓂᕐᒥᑦ, ᑐᐊᕕᕐᓇᖅᑐᒃᑯᑦ ᓄᓇᒃᑰᔫᒥᑦ, ᐊᒻᒪ ᑭᐅᔨᖏᑦ ᑐᐊᕕᕐᓇᖅᑐᓕᕆᔨᒃᑯᑦ ᐱᔨᑦᓯᕋᖅᑎᖏᑕ.

ᑖᑦᓯᓂᑦ ᐃᓄᑦᑕᐅᑎᓂᑦ ᐱᔨᑦᓯᕋᖅᑏᑦ ᓲᕐᓗ ᑖᑦᓯᓂᑦ ᓄᓇᒃᑰᔫᓕᕆᓂᕐᒥᑦ ᐅᕝᕙᓘᓐᓃᑦ ᑖᑦᓯᑦᑎᓄᑦ ᐊᖁᑎᓄᑦ ᐴᕐᒥᑦᑖᕈᑎᐅᔪᑦ ᕿᑲᑲᐃᓐᓇᖅᑎᑕᐅᔪᑦ.

ᑐᑭᓯᒋᐊᒃᑲᓐᓂᕐᕕᑦᓴᖅ ᐱᑦᑕᐃᓕᒪᔾᔪᑎᓕᕆᓂᕐᒥᑦ, ᐅᕗᖓᖁᔪᖅ:

https://www.gov.nu.ca/health/information/covid-19-novel-coronavirus

 

ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:

ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607