RCMP – 
Fire/Ambulance – 
Blizzard information – ᐅᑯᐊ ᐆᒪᔪᐃᑦ ᐱᓯᒪᔭᐅᔪᑦ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᓐᓄᑦ. ᐃᓕᑕᕆᒍᕕᐅᒃ ᕿᒻᒥᖁᑏᑦ ᐅᕝᕙᓘᓐᓃᑦ ᐊᓯᐅᓯᔨᒪᔪᓂᑦ ᕿᒻᒥᓐᓂᒃ ᐅᖃᐅᓯᕆᔪᒪᔭᓐᓂᒃ, ᐅᖄᓚᒋᐊᖃᖅᑐᓯ ᓄᓇᓕᐸᐅᔭᐃᑦ ᑭᐅᔨᖏᓐᓄᑦ ᐅᕗᖓ 979−5650 ᐅᓪᓗᒃᑯᑦ ᐃᑲᕐᕋᐃᑦ ᐊᑯᓐᓂᖏᓐᓂ 7−ᒥᑦ ᐅᓪᓛᒃᑯᑦ 5−ᒧᑦ ᐅᓐᓄᓴᒃᑯᑦ ᓇᒡᒋᔾᔭᐃᒥᑦ ᑕᓪᓕᒥᕐᒧᑦ, ᐅᕝᕙᓘᓐᓃᑦ ᐅᕗᖓ ᑎᑎᕋᕐᕕᒋᓗᒋᑦ ᐃᕐᖐᓇᖅᑕᐅᑎᖓᓐᓄᑦ municipalenforcement@iqaluit.ca.
ᓄᓇᓕᓐᓂᑦ ᐊᐅᓚᑦᑎᔨᐅᔪᑦ ᐃᑲᔪᖅᐸᑦᑐᑦ ᐊᑦᑕᓇᖅᑐᒦᖁᓇᒋᑦ ᐊᒻᒪ ᖃᓄᐃᖁᓇᒋᑦ ᕿᒻᒦᑦ ᐊᒻᒪ ᐊᑑᑎᖃᖅᐸᑦᑐᑎᒃ ᐊᓯᐅᔨᓯᒪᔪᓂᑦ ᕿᒻᒥᖁᑎᖏᓐᓂᑦ ᐅᑎᖅᑎᑦᑎᕙᑦᑐᑎᒃ. ᖃᓄᖅᑑᕋᓱᑉᐸᑦᑐᑦ ᕿᓂᖅᑐᑎᒃ ᐊᒻᒪ ᖃᐅᔨᒋᐊᖅᐸᑦᑐᑎᒃ ᕿᒻᒥᖁᑎᓕᓐᓂᑦ ᐃᑲᕐᕋᐃᑦ 72 ᐃᓗᖏᓐᓂ ᕿᒻᒥᒥᒃ ᑎᒍᓯᓚᐅᖅᑎᓪᓗᒋᑦ. ᑖᒃᑯᐊ ᐃᑲᕐᕋᐃᑦ 72 ᐊᓂᒍᕋᐃᒻᒪᑕ, ᕿᒻᒥᖅ ᓄᓇᓕᕐᒥᐅᑕᒥᑦ ᐃᓄᑦᑖᖅᑎᑕᐅᓇᓱᐊᖅᐸᑦᑐᓂ, ᓄᓇᕗᑦ ᓯᓚᑖᓄᑦ ᐊᐅᓪᓚᖅᑎᑕᐅᓗᑎᒃ, ᐅᕝᕙᓘᓐᓃᑦ ᑐᖁᑕᐅᓗᑎᒃ.
ᐃᑲᔫᑎᑦᓴᑦ:
- ᕿᒻᒦᑦ ᐊᑐᕆᐊᓖᑦ ᕿᒻᒥᒧᑦ ᐅᔭᒥᑦᑖᖑᓯᒪᔪᒥᑦ ᐊᓯᐊᓅᖕᖏᑦᑐᖅ
- ᕿᒻᒦᑦ ᐱᑐᑦᓯᒪᖕᖏᓪᓗᑎᒃ ᑕᒫᓂᖅᑭᒋᐊᖃᖕᖏᓯᐊᖅᑐᑦ, ᓯᓚᑖᓂ ᐱᖁᑎᖃᕐᕕᕕᑦ
- ᕿᒻᒦᑦ ᐱᑐᑦᓯᒪᒋᐊᓖᑦ ᓯᓚᑖᓃᓐᓂᐊᕈᑎᒃ ᐱᖁᑎᖃᕐᕕᕕ
- ᕿᒻᒦᑦ ᓴᐃᓕᖓᓂᕐᒥᑦ ᐸᕝᕕᓴᒋᐊᖃᖕᖏᑦᑐᑦ ᒥᐊᒡᒎᕐᓗᑎᒃ, ᕿᓗᓪᓗᑎᒃ, ᕿᐊᓗᑎᒃ
- ᕿᒻᒦᑦ ᖃᖓᑐᐃᓐᓇᒃᑯᑦ ᐸᖓᓛᖃᕆᐊᖃᖕᖏᑦᑐᑦ, ᐋᓐᓂᕐᓯᒋᐊᖃᖕᖏᑦᑐᑦ, ᐸᕝᕕᓴᒋᐊᖃᖕᖏᑦᑐᑦ, ᐃᕐᓯᓇᕐᓵᕆᐊᖃᖕᖏᑦᑐᑦ ᐅᕝᕙᓘᓐᓃᑦ ᐹᓐᓂᒋᐊᖃᖕᖏᑦᑐᑦ ᐆᒪᔪᓂᑦ ᐅᕝᕙᓘᓐᓃᑦ ᐃᓄᖕᖏᓂᒃ
- ᕿᒻᒦᑦ ᐱᖁᑎᒋᔭᐅᔪᓂᑦ ᓱᕋᐃᔭᐃᑎᑕᐅᒋᐊᖃᖕᖏᑦᑐᑦ
- ᓄᐊᖏᓐᓇᕆᐊᓕᑦᑎᑦ ᐃᓘᓐᓇᑎᒃ ᕿᒻᒥᓄᑦ ᐊᓇᐃᑦ ᐱᖁᑎᒋᔭᐅᔪᓂᑦ ᓇᔪᒐᖃᕐᕕᒋᖕᖏᑕᓐᓂᒃ
- ᒪᓕᒐᕋᓛᒥᑦ ᓱᕋᐃᓂᐅᔪᖅ ᐸᕝᕕᓴᑦᑐᓂ ᐅᕝᕙᓘᓐᓃᑦ ᓱᓕᖕᖏᑦᑐᓂᑦ ᑐᑭᓯᑎᑦᑎᓪᓗᓂ ᒪᓕᒐᕋᓛᓕᕆᔨᒥᑦ
- ᒪᓕᒐᕋᓛᒥᑦ ᓱᕋᐃᓂᐅᔪᖅ ᕿᒻᒥᒥᒃ ᐱᑐᐃᔾᔮᑎᑦᑎᔪᖃᕐᓂᖅᐸᑦ ᕿᒻᒥᕆᖕᖏᑕᒥᓂᒃ ᐅᕝᕙᓘᓐᓃᑦ ᕿᒻᒥᒥᒃ ᑎᒍᔭᐅᓯᒪᔪᒥᑦ
- ᒪᓕᒐᕋᓛᒥᑦ ᓱᕋᐃᓂᐅᔪᖅ ᐋᓐᓂᖅᑐᐃᓗᓂ, ᑕᐸᓱᑦᑐᓂ ᐅᕝᕙᓘᓐᓃᑦ ᐱᑦᑎᐊᕋᓂ ᐆᒪᔪᒥᑦ
ᒪᓕᒐᕋᓛᖅ 796 ᐆᒪᔪᖁᑎᒋᔭᓂᑦ ᓇᓗᓇᐃᖅᑕᐅᓯᒪᒋᐊᖃᖅᑎᑦᑎᔪᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐊᓪᓚᕝᕕᖏᓐᓂ ᐊᕐᕌᒍᑕᒫᖅ ᔮᓐᓄᐊᕆ 5−ᒥ. ᑕᒫᓂᖅᑭᔪᑦ ᕿᒻᒦᑦ ᐅᕝᕙᓘᓐᓃᑦ ᐳᓯᑳᖁᑏᑦ ᓇᓗᓇᐃᖅᑕᐅᓯᒪᔪᑦ ᐊᒻᒪ ᓄᓇᓕᐸᐅᔭᒃᑯᓐᓂᑦ ᐅᔭᒥᖁᑎᖃᖅᑐᑦ ᕿᓚᒥᕈᓗᒃ ᐃᓄᖏᓐᓅᖅᑕᐅᔪᓐᓇᖅᑐᑦ ᐊᑭᓖᒋᐊᖃᕋᑎᓪᓗ ᐃᓄᐊ ᓇᓂᔭᐅᔭᕇᕈᓐᓇᕈᓂ ᓯᕗᓂᐊᒍᑦ ᑎᒍᔭᐅᓚᐅᖏᓐᓂᖓᓂ, ᑭᓯᐊᓂ ᑎᒍᔭᐅᓚᐅᖅᑎᓪᓗᒍ, ᐃᓘᓐᓇᖏᓐᓂᑦ ᐊᑦᑐᐊᔪᓂᑦ ᐊᑭᓕᕆᐊᓕᓐᓂᑦ ᐊᑭᓖᒋᐊᖃᕋᔭᖅᑐᑦ ᐅᑎᖅᑎᓐᓂᐊᕈᓂᐅᒃ ᐆᒪᔪᖁᑎᓂ.
ᕿᒻᒥᓄᑦ ᓇᓗᓇᐃᒃᑯᑎᐅᔪᑦ ᐊᑎᓕᐅᕈᑏᑦ $35 ᕿᒻᒥᓛᖅᑕᕈᓐᓇᐃᓕᑎᑕᐅᓯᒪᔪᓄᑦ ᐊᒻᒪ $55 ᕿᒻᒥᓛᖅᑖᕈᓐᓇᖅᑐᓄᑦ. ᐳᓯᑳᓄᑦ ᓇᓗᓇᐃᒃᑯᑎᐅᔪᑦ ᐊᑎᓕᐅᕈᑏᑦ $15 ᐳᓯᑳᕋᓛᖅᑖᕈᓐᓇᖏᑦᑐᓄᑦ ᐊᒻᒪ $30 ᐳᓯᑳᖅᑖᕋᓛᖅᑖᕈᓐᓇᖅᑐᓄᑦ.
ᓇᓗᓇᐃᒃᑯᑎᓕᐅᕈᒪᒍᕕᐅᒃ ᐆᒪᔪᖁᑏᑦ, ᖃᕋᑕᐅᔭᒃᑯᑦ ᓂᐱᑎᓪᓗᒍ ᐊᒻᒪ ᑎᑎᕋᕐᕕᒋᔭᕆᐊᓕᒃ ᑎᑎᕋᕐᕕᑦᓴᖅ ᑐᑦᓯᕋᐅᑎᓕᐅᕈᑎ (ᓂᐱᓕᐅᕋᑦᓴᖅ ᑕᕝᕙᓃᑦᑐᖅ). ᐊᑭᓕᖅᑕᐅᔪᓐᓇᖅᑐᑦ ᐅᐸᓪᓗᒋᑦ ᑎᑎᕋᕐᕕᒋᓯᒪᔭᐃᑦ ᓇᑦᓴᕐᓗᒍ ᓄᓇᓕᐸᐅᔭᐃᑦ ᐊᓪᓚᕝᕕᖏᓐᓄᑦ ᐊᒻᒪ ᐊᕐᕌᒍᓕᒫᒧᑦ ᐅᔭᒥᑦᓴᒥᑦ ᐆᒪᔪᖁᑎᓐᓄᑦ ᐱᑎᑕᐅᒐᔭᖅᑐᑎᑦ.
