ᐱᒋᐊᖅᑎᑕᐅᔪᑦ ᑲᑎᕐᓱᕐᓯᒪᔪᑦ ᓱᓇᑐᐃᓐᓇᕐᓄᑦ ᐱᔨᑦᓯᕋᕈᑎᓄᑦ ᐊᑭᓕᕆᐊᓕᓐᓄᑦ ᒪᓕᒐᕋᓛᖅ

23/12/2016

ᐱᕙᓪᓕᐊᔪᑦ
ᐱᒋᐊᖅᑎᑕᐅᔪᑦ ᑲᑎᕐᓱᕐᓯᒪᔪᑦ ᓱᓇᑐᐃᓐᓇᕐᓄᑦ ᐱᔨᑦᓯᕋᕈᑎᓄᑦ ᐊᑭᓕᕆᐊᓕᓐᓄᑦ ᒪᓕᒐᕋᓛᖅ
ᑏᓰᐱᕆ 23, 2016 (ᐃᖃᓗᐃᑦ, ᓄᓇᕗᑦ) - ᒪᓕᑦᑐᒋᑦ ᐅᖃᐅᓯᐅᓚᐅᖅᑐᑦ ᐋᑦᑑᐸ 25-ᒥ ᑲᑎᒪᔩᑦ ᑲᑎᒪᑎᓪᓗᒋᑦ, ᑲᑎᕐᓱᕐᓯᒪᔪᑦ ᓱᓇᑐᐃᓐᓇᕐᓄᑦ ᐱᔨᑦᓯᕋᕈᑎᓄᑦ ᐊᑭᓕᕆᐊᓕᓐᓂᑦ ᒪᓕᒐᕋᓛᖅ 813 ᐊᑐᓕᖅᑎᑕᐅᓛᖅᑐᖅ ᔮᓐᓄᐊᕆ 1, 2017.
“ᑲᑎᕐᓱᑕᐅᓪᓗᑎᒃ ᐊᐅᓚᑕᐅᓂᖏᑦ ᖃᓄᖅ ᐊᑭᓕᕆᐊᓖᑦ ᐊᑕᐅᑦᓯᒥ ᒪᓕᒐᕋᓛᕐᒥ, ᐊᒥᓱᐊᓗᓐᓃᓚᐅᕋᓗᐊᕐᒪᑕ ᒪᓕᒐᕋᓛᕐᓂ ᐊᒡᒍᕐᓯᒪᓪᓗᑎᒃ ᐱᓕᕆᔾᔪᑎᐅᕙᑦᑐᑦ, ᓄᓇᓕᐸᐅᔭᒃᑯᑦ ᐱᓕᕆᑦᓯᐊᓂᕐᓴᐅᔪᓐᓇᕐᓂᐊᓕᖅᑐᑦ ᐊᑲᐅᓂᕐᓴᒃᑯᑦ ᐱᕙᓪᓕᐅᑎᓂᕐᓴᒃᑯᓪᓗ ᐊᐅᓚᑦᓯᓗᑎᒃ ᐊᑭᓕᖅᑕᐅᒋᐊᖃᖅᐸᑦᑐᓂᑦ ᐱᔨᑦᓯᕋᕈᑎᓄᑦ,” ᐅᖃᖅᑐᖅ ᒪᐃᔭᐅᑉ ᑐᓪᓕᐊ ᕉᒪᐃᓐ ᓯᑏᕙᓐᓴᓐ.
ᐊᒻᒪᑦᑕᐅᖅ ᑲᑎᕐᓱᓂᕐᒧᑦ ᐃᓚᒋᔭᐅᔪᑦ, ᐱᔨᑦᓯᕋᕈᑎᓄᑦ ᐊᑭᓕᕆᐊᓖᑦ 2017-ᒥ ᐋᖅᑭᒋᐊᓛᖅᑐᑦ, ᐊᒻᒪ ᐃᓚᖏᑦ ᐊᑐᓕᖅᑎᑕᐅᒋᐊᓕᑕᐃᓐᓇᕐᓗᑎᒃ, ᒫᓐᓇᓂᓴᕐᓄᑦ ᐊᑭᓕᐅᑎᓂᑦ ᓄᐊᑦᓯᔾᔪᑎᓄᑦ ᑐᕌᖓᑎᑕᐅᒋᐊᕐᓗᑎᒃ.
“ᐃᓚᒋᔭᐅᓗᑎᒃ ᓄᓇᓕᐸᐅᔭᒃᑯᑦ ᑮᓇᐅᔭᓂᑦ ᐊᐅᓚᑦᓯᔾᔪᑎᖓᓐᓄᑦ ᐊᑐᐊᒐᕐᒧᑦ, ᖃᐅᔨᓴᓚᐅᖅᑐᑦ 2016-ᒥ ᐱᓕᕆᔾᔪᑎᓂᑦ, ᓴᖅᑮᓚᐅᖅᑐᑦ ᐊᒥᓱᐊᓗᐃᑦ ᐊᑭᓕᕆᐊᖃᖅᐸᑦᑐᑦ ᐱᔨᑦᓯᕋᕈᑎᓄᑦ ᕿᒥᕐᕈᐊᖅᑕᐅᓚᐅᕐᓯᒪᒍᓐᓃᕐᒪᑕ ᐅᕝᕙᓘᓐᓃᑦ ᐋᖅᑭᒋᐊᓚᐅᕐᓯᒪᒍᓐᓃᕐᒪᑕ ᐊᕐᕌᒍᒐᓴᓄᑦ,” ᐅᖃᓚᐅᖅᑐᖅ ᑎᒥᐅᔪᒥ ᐊᐅᓚᑦᓯᔨᒻᒪᕆᐅᔪᖅ ᒧᕼᐋᒧᑦ ᕼᐊᓵᓐ. “ᑲᔪᓯᑦᓯᐊᖁᓪᓗᒍ ᐱᓕᕆᑦᓯᐊᓂᒃᑯᑦ ᑮᓇᐅᔭᓕᕆᓂᐅᑉ ᖃᓄᐃᑦᑑᓂᕆᓕᖅᑕᖓ ᓄᓇᓕᐸᐅᔭᒃᑯᓐᓄᑦ, ᐊᑭᓕᕆᐊᓖᑦ ᐱᔨᑦᓯᕋᕈᑎᓄᑦ ᐋᖅᑭᒋᐊᖅᑕᐅᓯᒪᓕᖅᑐᑦ ᒫᓐᓇᒧᑦ ᐊᑭᓕᕆᐊᖃᖅᐸᑦᑐᓄᑦ ᑕᒪᒃᑯᓄᖓ ᐱᔨᑦᓯᕋᕈᑎᓄᑦ ᐊᖑᒻᒪᑎᒋᐊᖁᓪᓗᒋᑦ”.
ᕿᒥᕐᕈᐊᕈᒪᔪᑦ 2017-ᒥ ᐱᔨᑦᓯᕋᕈᑎᓄᑦ ᐊᑭᓕᕆᐊᓕᓐᓂᑦ, ᐅᕗᖓ ᐃᑭᐊᖅᑭᕕᒻᒧᑦ ᑕᑯᓂᐊᕈᓐᓇᖅᑐᑦ: http://www.city.iqaluit.nu.ca/city-hall/city-council/bylaws/results?comb...
 

Notice: