ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᓄᓇᓕᓐᓂᑦ ᓴᓗᕐᒪᑦᓴᐃᓛᓕᕐᒥᔪᑦ ᔪᓂ 16
ᔪᓂ 2, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᐅᖃᐅᓯᖃᓕᕆᕗᑦ ᐊᕐᕌᒍᑦᑎᓐᓂ ᓄᓇᓕᓐᓂᑦ ᓴᓗᕐᒪᑦᓴᐃᓛᓕᕐᒥᒐᑦᑕ ᑕᓪᓕᕐᒥᐅᓕᖅᐸᑦ, ᔪᓂ 16, 2017, ᐅᓪᓛᒃᑯᑦ ᐱᒋᐊᕐᓗᑎᒃ 9-ᒥ ᐱᔭᕇᕐᓗᑎᒃ ᐅᓪᓗᒃᑯᑦ 12-ᒨᖅᐸᑦ.
ᐃᖃᓗᒻᒥᐅᑕᐃᑦ ᓴᓗᒻᒪᕐᓴᐃᖃᑕᐅᓛᕈᒪᔪᑦ, ᐴᑦᓴᓂᑦ ᓴᓂᒃᑯᕕᑦᓴᓂᑦ ᐊᒻᒪ ᐊᒡᒑᓂᑦ ᐊᓯᖏᓐᓂᓪᓗ ᓱᓇᒃᑯᑖᑦᓴᓂᑦ ᐊᑐᐃᓐᓇᐅᑎᑦᓯᓛᖅᑐᑦ ᐅᓪᓛᒃᑯᑦ 9-ᒥᑦ 11-ᒧᑦ ᐅᓪᓗᒧᒃ ᓄᓇᓯᐅᑎᓄᑦ ᓄᖅᑲᖓᕕᖓᓂ ᐅᓂᒃᑳᕐᕕᒃ ᐳᓚᕋᑦᑎᓄᑦ ᑐᑭᓯᒋᐊᕐᕕᐅᑉ. ᐱᖓᑦᓯᕐᒥ ᑎᓴᒻᒥᕐᒥᓘᓐᓃᑦ ᐊᐃᔭᐅᔪᓐᓇᓛᕐᒥᔪᑦ ᐴᑦᓴᐃᑦ ᐊᒻᒪ ᐊᒡᒑᑦ ᓴᓗᒻᒪᕐᓴᕐᓇᓚᐅᖏᓐᓂᖓᓂ.
ᐱᔨᑦᓯᕋᖅᐸᑦᑐᑦ ᐃᑲᔪᖅᐸᑦᑐᑦ ᖃᐃᓛᖁᔭᐅᒻᒥᔪᑦ ᖁᔭᒋᔭᐅᓛᕐᒪᑕ ᓯᕋᓯᒪᔪᓂᑦ ᓂᕆᑎᑕᐅᓗᑎᒃ ᖁᓛᓅᖅᐸᑦ ᐅᓂᒃᑳᕐᕕᐅᑉ ᓴᓂᐊᓂ, ᓴᓗᒻᒪᕐᓴᐃᓚᐅᖅᑎᓪᓗᒋᑦ. ᓴᓗᒻᒪᕐᓴᐃᖃᑕᐅᔪᕕᓃᑦ ᐊᑎᖏᑦ ᐊᒧᔭᑦᓴᕈᓛᕐᒥᔪᑦ ᖃᖓᑦᑕᐅᑎᑦᓴᓄᑦ ᑲᓇᐃᑎᐊᓐ/ᑳᒻ ᐃᐅᕐᑯᓐᓄᑦ. ᐊᓯᖏᓐᓂᑦ ᐊᒧᓯᖃᑦᑕᓚᐅᕐᓗᑎᒃ ᐱᑖᖅᑎᑦᓯᖃᑦᑕᓛᕐᒥᔪᑦ ᓯᕋᓯᒪᔪᓂᑦ ᓂᕆᑎᓪᓗᒋᑦ.
ᓯᑎᒃᑯᑦ ᖁᕕᐊᒋᑦᓯᐊᖅᑐᒋᑦ ᐱᓕᕆᖃᑎᖃᖅᑐᑦ ᑲᑐᔾᔨᖃᑎᒌᔭᒥᓂᒃ, ᓄᓇᕘᑉ ᒐᕙᒪᒃᑯᖏᑦ ᐊᒻᒪ ᑲᓇᑕᐅᑉ ᒐᕙᒪᒃᑯᖏᓐᓂᑦ, ᑐᑭᒧᐊᑦᑎᑦᓯᓛᕐᒪᑕ ᓴᓗᒻᒪᕐᓴᐃᖃᑎᒌᓐᓂᕐᒥᑦ, ᐊᒻᒪ ᖁᔭᓐᓇᒦᕈᒪᓪᓗᑎᒃ ᓇᒻᒥᓂᖃᖅᑎᐅᔪᓂᑦ ᑐᓂᕐᕈᑎᖃᖅᑎᑦᓯᓚᐅᖅᑐᓂᑦ ᓴᓗᒻᒪᕐᓴᐃᓂᖅ ᓴᖅᑭᖁᓪᓗᒍ ᐅᕝᕙᓘᓐᓃᑦ ᐊᒧᓯᖃᑦᑕᓂᒃᑯᑦ ᐱᔾᔪᓯᐊᑦᓴᑖᖅᑎᑦᓯᓚᐅᕐᒪᑕ, ᐃᓚᒋᔭᐅᓗᑎᒃ ᑯᐊᐸᒃᑯᑦ, ᑲᓇᐃᑎᐊᓐ ᓄᐊᕐᑯᑦ ᖃᖓᑕᓲᓕᕆᔨᒃᑯᑦ, ᑳᒻ ᐃᐅᕐᑯᒃ ᐊᒻᒪ ᑕᔅᑎᓇᐃᓴᓐ ᓄᐊᕐ.
ᑐᑭᓯᒋᐊᒃᑲᓐᓂᕈᒪᓐᓂᕈᑦᓯ ᓴᓗᒻᒪᕐᓴᐃᓂᖅ ᐃᓗᓕᖏᓐᓂᑦ, ᖃᐅᔨᒋᐊᖅᑕᐅᔪᓐᓇᖅᑐᖅ ᑖᓂᐅᓪ ᐃᓄᐊᕋᒃ 867-975-7722 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᖓᒍᑦ DInuarak@gov.nu.ca. ᐃᓄᒋᐊᓐᓂᐊᕈᑦᓯ ᖃᐅᔨᒋᐊᕆᐊᖃᕐᒥᔪᒥ ᑖᓂᐅᓪᒥᑦ, ᑎᓕᔭᐅᔪᓐᓇᓛᕐᒪᑕ ᓇᒥ ᓴᓗᒻᒪᕐᓴᐃᔪᓐᓇᓛᕐᒪᖔᑕ.
-30-
ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕈᓐᓇᖅᑕᐃᑦ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᕐᒥᑦ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.SPITZER@CITY.IQALUIT.NU.CA
